O domingo 22 de febreiro, o Club Blossom organizou en Mos a I Fase de Niveis Libre 1 a 8. Unha expedición de 19 patinadoras do Club Deportivo Ourela desprazouse ata alí co obxectivo de superar os seus respectivos niveis. Ao tratarse da primeira proba para moitas delas, os nervios propios da estrea fixéronse notar na pista. A pesar diso, a xornada deixou unha boa aprendizaxe e un balance moi positivo: cinco das nosas deportistas lograron o ansiado «apto», demostrando o froito do seu traballo nos adestramentos.